Басқалары

Севара Нышанбаева Гран-при турнирінде үздік үштікке ілінді

Дзюдодан Ташкентте өтіп жатқан Гран-при бәсекесінде 57 келіге дейінгі салмақта белдескен бұрымды балуанымыз Севара Нышанбаева Қазақстан қоржынына екінші медальді салды, — деп хабарлайды  Qsport.kz  порталы дзюдо федерациясының баспасөз қызметіне сілтеме жасап.

Жарысқа екінші айналымда қосылған Севара Нышанбаева алғашқы қарсыласы Джулия Гаджианоға есе жіберген соң, жұбаныш белдесуінде күресуге мүмкіндік алды.

Бірінші жұбаныш белдесуінде Гонконг спортшысы По Сам Леуингті вазари ұпайымен жеңіп, шешуші белдесуде австриялық Сабрина Филзмосерден басым түсіп, қола медальға ие болды.

Естеріңізге сала кетсек, бүгін Ташкентте басталған Гран-при турнирі қазанның 8-іне дейін жалғасады. 3 күнге жоспарланған әлемдік Гран-при кезеңінде әлемнің 27 елінен 183 татами шеберлері өзара мықтыны анықтайды.

Пікір жазу

Пікір жазу

Ваш e-mail не будет опубликован. Обязательные поля помечены *

Басқалары