Соңғы жаңалықтар

Садриддин Ахмедов кәсіпқой бокста бағын сынайды

Отандасымыз The Heavyweight Factory компаниясымен келісімшарт жасайды

Қазақ боксының жарқын болашағы саналатын Садриддин Ахмедов енді кәсіпқой бокста ғана өнер көрсетеді, – деп хабарлайды Qsport.kz порталы.

69 келі салмақ дәрежесіндегі еліміздегі ең үздік боксшылардың бірі — Садриддин Ахмедов кәсіпқой боксқа ауысты. Бұл туралы 19 жастағы былғары қолғап шебері Qsport.kz сайтының тілшісіне айтып берді.

Кәсіпқой боксқа ауысудағы басты мақсаты туралы

«Жалпы, менің жұдырықтасу мәнерім әуесқой боксқа қарағанда, кәсіпқой боксқа жақсы келеді»,  — деп әңгімесін бастады отандасымыз. Жаныма да әуесқой бокстан гөрі кәсіпқой бокс жақынырақ. Енді кәсіпқой бокста бағымды сынап, еліміздің атақ-даңқы мен абыройын асқақтатуды көздеймін. Бұл шешімді аяқ-астынан қабылдаған жоқпын. Қазақ айтады ғой: «жеті рет өлшеп, бір рет кес» деп  сол себепті, бұл шешім мен үшін дұрыс деп ойлаймын. Қазақстан тарихындағы кәсіпқой бокстан ең жас әлем чемпионы атануды және WBC, WBO, WBA және IBF тұжырымдарының белбеуін ұтуды көздеймін. Алла қаласа, бұл белестердің бәрін бағындыратыныма сенемін», — дейді Садриддин.

Жастар арасында әлем чемпионы

Кәсіпқой боксқа ауысудағы басты себептерімнің бірі де осы. Сондай-ақ 69 келі салмақ дәрежесіндегі әлемнің ең үздік боксшылары Қазақстанда екені бәріне белгілі. Қазақ бауырларыммен шаршы алаңда жан таласып жұдырықтасқанша, кәсіпқой бокстағы тәжірибемді жетілдіріп, белбеулерге таласуға бір қадам болса да жақындай берейін деп шештім.

Жеңіс

Промоутерлік компаниялардың ұсынысы жайлы

«Қазір америкалық The Heavyweight Factory компаниясымен келісімшарт жүріп жатыр. Әзірге келісімшартқа қол қойған жоқпын. Екіжақты мәселелерді толық шешкен келісімге қол қойып, жаттығуымызды бірден бастап кетеміз. 4 жылға созылған келісімшарт бойынша осы уақыт аралығында менде WBC, WBO, WBA және IBF тұжырымдарының чемпиондық атағына таласуына мүмкіндігім бар. Алла қаласа, осы жылдың аяғына дейін алғашқы жекпе-жегімді де өткізіп қалуым мүмкін», — дейді Садриддин Ахмедов. Сондай-ақ отандасымыздың менеджері Луис Ортис сынды әлемге танымал былғары қолғап шеберлерімен бірге жұмыс істеген, танымал промоутер Риккаро Риццо екенін де атап өтті.

Ең үздік жас боксшы

Атақты Рой Джонспен бірге

Айта кетейік, Садриддин Ахмедов 69 келіде ел намысын қорғайтын Қазақстандағы ең үздік былғары қолғап шеберлерінің бірі. Отандасымыз 2016 жылы жастар арасында өткен әлем чемпионатында үш қарсыласын нокаутпен ұтып, ел қоржынына жалғыз алтын жүлдені салған болатын. Ахмедов шаршы алаңда 251 жекпе-жек өткізіп, 241 рет қарсыластарынан басым болған. Сондай-ақ Садриддин бокстан Шымкентте өтетін ел чемпионатының 69 келідегі басты фавориттерінің бірі саналған еді.

Пікір жазу

Пікір жазу

Сіздің e-mail жарияланбайды. * толтыру міндетті орындар.

Соңғы жаңалықтар