Ережесіз жекпе-жек

Қуат Хамитов Арман Оспановты жеңген бразилиялық спортшымен жекпе-жек өткізбейді

Ережесіз жекпе-жекте өнер көрсететін қазақстандық спортшы Қуат «Найман» Хамитов келесі кездесуін қараша айында өткізеді, — деп жазады Qsport.kz порталы. 

— Менің келесі кездесуім 26 қарашада өтеді. FIGHT NIGHTS GLOBAL турнирінде. Қарсыласым ирландиялық Питер Куилли болады, — дейді Хамитов. 

— Сіз жуырда ғана Арман Оспановты жеңген бразилиялық Тьяго Луис Бонифасио Силвамен кездесуге дайынмын деп едіңіз. Бұл жекпе-жектің өту мүмкіндігі қандай?

— Жақын арада мен ол жігітпен кездеспейтін шығармын. Негізі, кездесуге қарсы емеспін. Жекпе-жекті ұйымдастырса, онымен кездесемін. Бірақ менің қазіргі жоспарым басқаша. Қараша айындағы кездесуіме жақсылап дайындалу керекпін. Егер ол кездесудегі қарсыласым жарақат алып қалса, ұйымдастырушылар мүмкін бразилиялық спортшыны шақыртатын шығар. Ол жағын мен білмеймін. 

Пікір жазу

Пікір жазу

Сіздің e-mail жарияланбайды. * толтыру міндетті орындар.

Ережесіз жекпе-жек